[ Smellið til að sjá stærri mynd ]
Þeir sem vilja leggja rækt við sinn innri nörd ættu að skoða þetta skemmtilega veggfóður frá leikja- og hönnunarbúðinni Super7.

Þeir sem vilja leggja rækt við sinn innri nörd ættu að skoða þetta skemmtilega veggfóður frá leikja- og hönnunarbúðinni Super7. Eins og sést á myndunum hefur listamaðurinn Brian Flynn ákveðið að taka fyrir ævintýraheim öndvegiskvikmyndanna um Stjörnustríð. Útkoman er veggfóður sem hefur í senn nokkuð íhaldssama og yfirvegaða ásýnd, en fer hins vegar ekki leynt með að á heimilinu býr nörd.

Hver vill svo hafa einhver blómamynstur á veggjunum þegar má hafa sjálfan Svarthöfða?

Veggfóðrið fæst á super7store.com ef leitað er að „Imperial Forces Wallpaper“. Ekki er þetta allra ódýrasta leiðin til að þekja vegg því verðið er frá 75 dölum fyrir pakkningu sem dugar til að fóðra u.þ.b. hálfan annan fermetra. Sem betur fer eru þó nördar yfirleitt í vel launuðum störfum.

ai@mbl.is