Þekktir leikmenn á afmælishátíðinni

Stuðningsmannaklúbbur Manchester United á Íslandi fagnar 20 ára afmæli sínu í október en klúbburinn hefur aldrei verið fjölmennari en nú.

Í tilefni af afmælinu koma til landsins tveir af Evrópumeisturum félagsins frá 1968, þeir Alex Stepney og Paddy Crerand, ásamt upptökufólki frá sjónvarpsstöðinni MUTV.

Þeir verða heiðursgestir á afmælishátíð klúbbsins sem fram fer á skemmtistaðnum Spot í Kópavogi á laugardagskvöldið kemur, 8. október.