Brids - Guðmundur Páll Arnarson | ritstjorn@mbl.is

Varnarklúður.

Bæði Bocchi (fyrir Allegra) og Cima (fyrir Angelini) hófu vörnina gegn 3G með litlu laufi. Blindur átti fyrsta slaginn á millilauf og sagnhafarnir tveir spiluðu hjarta í öðrum slag á gosann heima og ás vesturs. Nú dró til tíðinda.

Spilið er frá úrslitaleik ítölsku klúbbanna, Allegra og Angelini, sem Allegra-hópurinn vann 206-127. Bocchi skoraði nokkur stig með góðri vörn sinni hér. Hann spilaði fyrst ♣K, sem sagnhafi varð að dúkka, en skipti síðan yfir í ♦D. Málið afgreitt.

Á hinu borðinu spilaði Cima strax litlum tígli undan drottningunni. Sagnhafi fór upp með ásinn og Garozzo í austur kallaði með ♦G. Tígullinn var þar með stíflaður og vörnin fékk aðeins fjóra rauða slagi: tvo á hjarta og tvo á tígul.