16. desember 1916 Átta þingmenn, aðallega úr hópi bænda, stofnuðu Framsóknarflokkinn. Fyrsti formaður hans var Ólafur Briem. 16. desember 1967 Hafin var sala á mjólk í fernum.
16. desember 1916
Átta þingmenn, aðallega úr hópi bænda, stofnuðu Framsóknarflokkinn. Fyrsti formaður hans var Ólafur Briem.
16. desember 1967
Hafin var sala á mjólk í fernum. Áður voru hyrnur og flöskur helstu umbúðirnar og höfðu tekið við af mjólkurbrúsum.
16. desember 1993
Guðlaugur Pálsson kaupmaður lést, 97 ára. Hann stofnaði verslun á Eyrarbakka árið 1917 og rak hana til dauðadags eða í 76 ár.
16. desember 2008
Til átaka kom milli lögreglu og mótmælenda framan við Ráðherrabústaðinn við Tjarnargötu áður en ríkisstjórnarfundur hófst þar. Ráðherrarnir fóru flestir inn um bakdyr.
Dagar Íslands | Jónas Ragnarsson