Litaríferð.
Norður | |
♠D9 | |
♥Á863 | |
♦9532 | |
♣Á72 |
Vestur | Austur |
♠G83 | ♠K765 |
♥DG109 | ♥72 |
♦D8 | ♦KG107 |
♣10863 | ♣G94 |
Suður | |
♠Á1042 | |
♥K54 | |
♦Á64 | |
♣KD5 |
Í nýjustu útgáfu alfræðiritsins um brids (Encyclopedia of Bridge) eru 56 blaðsíður helgaðar hinum ýmsu litasamsetningum með útreiknuðum líkum á bestu „íferð“. Lítum á spaðalitinn að ofan. Suður fær út hjartadrottningu gegn 3G og býst við að þurfa tvo aukaslagi á spaðann. Hvernig á hann að „fara í“ litinn?
Rétta íferðin er að spila fyrst smáu á níuna í borði. Þá er vonin sú að vestur sér með gosann, annan eða þriðja. Austur getur flækt málin með því að dúkka spaðaníuna, en sagnhafi svarar með því að spila drottningunni næst, drepa kóng austurs og spila svo smáu í bláinn. Gosinn slær þá vindhögg og tían fríast.
Á þennan máta fást þrír slagir á spaðann í um það bil 20% tilfella.