Brids - Guðmundur Páll Arnarson | ritstjorn@mbl.is

Kassinn. N-Allir.

Hinn dæmigerði bridsspilari nálgast öll verkefni eins og ósamsetta IKEA-mublu: sturtar úr kassanum á mitt stofugólfið og ræðst svo til atlögu. Ef eitthvað vantar í kassann fer hillan ekki upp – svo einfalt er það. Honum dettur ekki í hug að leita fanga „outside the box“.

Austur átti fullt af dóti í kössum sínum og handröðum, en ekkert dugði á verkefnið sem við var að etja. Norður opnaði á 1♥, suður sagði 1♠, norður 2♣ og suður sleit talinu með afgerandi stökki í 3G. Vestur kom út með ♦4, og austur... opnaði kistuna sína, tók upp ♦Á og spilaði tvistinum til baka. Sagnhafi svínaði gosanum, sótti slag á spaða og lagði upp.

Hvað gat austur gert? Hann gat prófað ♦D í fyrsta slag, spilað svo litlu undan ásnum síðar í gegnum ♦G-9.