Ragnar Zólberg er genginn til liðs við sænsku þungarokkssveitina Pain of Salvation sem gítarleikari. Hljómsveitin er ein sú virtasta sem leggur fyrir svokallað framsækið þungarokk eða „prog-metal“ og á þéttan hóp aðdáenda um allan heim. Síðasta plata Pain of Salvation kom út í september og heldur sveitin brátt í tónleikaferðalag um Indland (!) og Evrópu og er nýkomin frá Brasilíu m.a. Ragnar var prófaður sem gítarleikari en um hundrað sóttu um. Hann komst í hóp fimm gítarleikara og segir á vefsíðu sveitarinnar að þeir hafi verið frá Bretlandi, Þýskalandi, Frakklandi, Svíþjóð og Íslandi. Allir þeir sem sóttu um eru aðalsöngvarar og gítarleikarar í eigin böndum.
Ragnar tjáir sig sjálfur á síðunni og er að vonum í skýjunum. Segist ekki hafa haft neitt annað að æfa sig á en gítar tveggja ára frænda síns, þar eð hann dvaldi í London um jólin. Hann hugsi svo með spenningi til næstu vikna.
Til baka
Leita í greinasafni
Prenta grein
