Samfélagssjóður Valitor úthlutaði átta styrkjum í nýliðnum desembermánuði en hlutverk sjóðsins er að styðja við vandlega valin málefni sem bæta mannlíf og efla.
Að þessu sinni hlutu eftirtaldir aðilar styrk úr sjóðnum; Ásdís Hjálmsdóttir – frjálsíþróttadeild Ármanns, til undirbúnings fyrir Ólympíuleikana í London 2012; Helga M. Þorsteinsdóttir – frjálsíþróttadeild Ármanns, til undirbúnings fyrir Ólympíuleikana í London 2012, Baldvin Oddsson til að stunda framhaldsnám í trompetleik við San Francisco Conservatory of Music; Hrund Gunnsteinsdóttir – Krád Consulting, til að sinna Young Global Leader (YGL) á vegum World Economic Forum; Félag heyrnarlausra til að styrkja Menntunarsjóð heyrnarlausra og einnig til kynningar á táknmálinu; Stykkishólmskirkja til kaupa á pípuorgeli; Mæðrastyrksnefnd Reykjavíkur til hjálparstarfs í Reykjavík fyrir jólin 2011; Hjálparstarf kirkjunnar og Rauði kross Íslands til hjálparstarfs.
Alls voru 16 styrkir veittir á árinu 2011, en fyrri úthlutun sjóðsins fór fram í maí sl. Sjóðurinn var stofnaður fyrir 20 árum og hafa frá upphafi verið veittir samtals 132 styrkir til einstaklinga og samtaka sem starfa að menningar-, mannúðar-, samfélags- og velferðarmálum. Heildarupphæð styrkja á síðasta ári var um 15 millj. kr. Næsta úthlutun fer fram á vormánuðum.
sbs@mbl.is