Það er búið að reikna það margsinnis út og sýna það og sanna hjá svo mörgum stofnunum að meira að segja vinstrimenn hafa flestir kynnt sér það. Það að auka aðeins skatta þegar þarf að fylla í gat í ríkissjóði kemur í veg fyrir hagvöxt í framtíðinni og kostar ríkið á endanum meira en það þénaði. Eina fólkið sem virðist ekki hafa kynnt sér þetta er Steingrímur Joð og einhverjir félagar hans í öfgavinstri flokknum VG sem virðast hafa komið sér vel fyrir á fjölmiðlum landsins þrátt fyrir aðeins rúmlega 10% fylgi hjá landsmönnum. Enda lofa þeir og prísa hvert skref Steingríms í helför hans gegn dugnaði.
Frá því að þessi foringi Skattfararinnar/Skattocaust komst til valda hefur fjármagnstekjuskattur aukist um 100%, tekjuskattur um 11%, tekjuskattur sameignarfélaga um 38%, útsvar um 11%, endurgreiðsla virðisaukaskatts vegna vinnu iðnaðarmanna um 67%, erfðafjárskattur um 100%, áfengisgjald á bjór og léttvín aukist um 56%, kolefnisgjald á gas- og dísilolíu um 98% og á brennsluolíu um 97% og atvinnutryggingagjald aukist um 277% og þannig mætti lengi telja.
Það er ekki nema von að Steingrímur Joð birtist oft í fjölmiðlum og kvarti yfir því að hann hafi unnið mikið. Það þarf bæði útsjónarsemi og mikla elju til að finna uppá svona mikilli skattlagningu.
Til baka
Leita í greinasafni
Prenta grein
