BRIDS - Guðmundur Páll Arnarson | ritstjorn@mbl.is

Hættulegasti andstæðingurinn.

„Sagnhafi hefur blindan sér til halds og trausts – hinn dauða, eins og Frakkar segja svo viturlega – en varnarspilarinn situr uppi með lifandi makker, sem telur sér skylt að hugsa sjálfstætt. Nei, það er deginum ljósara að vörnin á undir högg að sækja.“

Samkvæmt hugmyndafræði Galtarins eru óvinirnir við spilaborðið þrír og sá hættulegasti situr beint á móti. Gölturinn var í vestur og kom út með ♦Á í sögðum lit austurs. Suður hafði sýnt góð spil og sexlit í spaða.

Gölturinn sá fyrir sér vörnina á augabragði: tígull á kóng og meiri tígull í tvöfalda eyðu, síðan tígull fjórða sinn þegar austur kemst inn á trompásinn. En til að tryggja samvinnu makkers spilaði Gölturinn ♦2 í öðrum slag eins og hann ætti ♦Á annan .