BRIDS - Guðmundur Páll Arnarson | ritstjorn@mbl.is

Djúpköfun.

Venjulega er rétt að setja lágt í annarri hendi, alls ekki alltaf – þumalputtareglur eru viðmiðanir, ekki algild lögmál. Vandinn er að vita hvenær eigi að sveigja af leið. Í spili gærdagsins snerist málið um að nýta innkomu millihandar strax. Hér er önnur ástæða að baki. Suður spilar 4♠. Útspilið er ♦D, sem sagnhafi dúkkar, drepur næsta tígul, tekur tvisvar tromp og spilar loks hjarta úr borði. Austur á leikinn.

Þetta er lymskulega spilað. Ef austur fylgir þumlinum og setur smátt í slaginn, verður síðar hægt að trompsvína fyrir ♥K og þá mun lítið fara fyrir laufslag varnarinnar. Nei, austur verður að bregða venjunni og stinga upp kóng. Það er erfið vörn að finna við borðið, því fæstir kafa djúpt í svo hversdagslegri stöðu?