Mennta- og menningarmálaráðherra hefur að fenginni tilnefningu háskólaráðs Hólaskóla – Háskólans á Hólum skipað Erlu Björk Örnólfsdóttur í embætti rektors skólans til fimm ára frá 1. apríl nk. að telja. Hún tekur við starfinu af Skúla Skúlasyni.
Mennta- og menningarmálaráðherra hefur að fenginni tilnefningu háskólaráðs Hólaskóla – Háskólans á Hólum skipað Erlu Björk Örnólfsdóttur í embætti rektors skólans til fimm ára frá 1. apríl nk. að telja. Hún tekur við starfinu af Skúla Skúlasyni.
Erla Björk lauk meistaraprófi í líffræði frá Háskóla Íslands árið 1994 og doktorsprófi í sjávarlíffræði frá Texas A&M University árið 2002. Frá árinu 2006 hefur hún verið forstöðumaður VARAR – sjávarrannsóknarseturs við Breiðafjörð.