28. febrúar 1941 Belgíska flutningaskipið Persier strandaði á Dynskógafjöru suðaustur af Hjörleifshöfða. Skipið, sem var 8200 smálestir, náðist á flot um miðjan maí og var dregið til Reykjavíkur.
28. febrúar 1941
Belgíska flutningaskipið Persier strandaði á Dynskógafjöru suðaustur af Hjörleifshöfða. Skipið, sem var 8200 smálestir, náðist á flot um miðjan maí og var dregið til Reykjavíkur. Það var tekið upp í fjöru við Kleppsvík og brotnaði þar í tvennt.
28. febrúar 1983
Alþingi samþykkt lög um að „Ó, Guð vors lands!“ væri þjóðsöngur Íslendinga og að hann væri eign íslensku þjóðarinnar.
28. febrúar 1998
Stórmarkaður með raftæki var opnaður í Kópavogi undir nafninu Elko. Biðraðir mynduðust áður en verslunin var opnuð.
28. febrúar 2003
Vöruhótelið í Sundahöfn var opnað. Húsið var stærra að rúmmáli en Kringlan og meira en fimm sinnum stærra en Laugardalshöll. Geymslurými var þá fyrir 21.000 vörubretti.
Dagar Íslands | Jónas Ragnarsson.