Óskarsverðlaunin Billy Crystal kynnti verðlaunahátíðina í ár en þetta var í 84. skipti sem hún er haldin og voru allar skærustu stjörnur Hollywood mættar í sínu fínasta til að sýna sig og sjá aðra.
Óskarsverðlaunin Billy Crystal kynnti verðlaunahátíðina í ár en þetta var í 84. skipti sem hún er haldin og voru allar skærustu stjörnur Hollywood mættar í sínu fínasta til að sýna sig og sjá aðra.
Goðsögn Billy Crystal var kynnir á Óskarsverðlaunahátíðinni í níunda sinn á sunnudaginn en hann var kynnir fyrst 1990.
Smart Penélope Cruz var eins og hafið í bláleita Giorgio Armani kjólnum á rauða dreglinum.
Kynþokkafull Angelina Jolie mætti í Atelier Versace kjól úr svörtu flaueli með þröngt mitti.
Franskur þokki Berenice Bejo úr The Artist var mætt í sægrænum Elie Saab kjól.
Eldheit Michelle Williams óttast ekki litina en hún mætti í kóral-rauðum kjól frá Louis Vuitton.
Stórkostleg Gwyneth Paltrow mætti í hvítum Tom Ford kjól sem var engu síðri en Calvin Klein kjólinn hennar í fyrra og var eflaust einn sá umtalaðasti á hátíðinni.
Fagnaðarlæti Óskarsverðlaunum fagnað bakvið tjöldin með stæl.
Verðlaunaumslagið Fátt í þessum heimi er gætt eins mikilli leynd og verðlaunaumslög óskarsverðlaunahátíðarinnar.
Bestur Jean Dujardin hlaut óskarinn fyrir leik sinn í myndinni The Artist og fagnaði honum innilega, þakkaði meðal annars hundi myndarinnar.
[ Smellið til að sjá stærri mynd ]
Óskarsverðlaunin voru einstaklega skemmtileg í ár þar sem tvær frábærar myndir kepptu um þann heiður að hljóta flest Óskarsverðlaun.
Óskarsverðlaunin voru einstaklega skemmtileg í ár þar sem tvær frábærar myndir kepptu um þann heiður að hljóta flest Óskarsverðlaun. Það voru myndirnar The Artist og Hugo en svo skemmtilega vill til að önnur kvikmyndin, The Artist, er eftir franska leikstjórann Michel Hazanavicius og gerist í Hollywood en myndin, Hugo er eftir Bandaríkjamanninn Martin Scorsese og gerist á lestarstöð í París. Myndirnar eru ólíkar á fleiri sviðum. The Artist er svart-hvít mynd og tallaus en í Hugo má sjá sterka liti, tæknibrellur og auðvitað talset. Niðurstaða kvöldsins varð þó stórmeistarajafntefli og geta aðstandendur kvikmyndanna vel við unað. Meryl Streep fékk sín þriðju óskarsverðlaun fyrir leik sinn í myndinni The Iron Lady en hún hefur 17 sinnum verið tilnefnd til verðlaunanna. Síðast vann tallaus mynd til óskarsverðlauna árið 1929 og því skemmtilegt að árið 2012 skuli aftur tallaus mynd vinna.