<strong>The Times Desktop Atlas of the World</strong> er einkar handhægur heimsatlas fyrir þá sem vilja hnitmiðaða bók um heiminn.
The Times Desktop Atlas of the World er einkar handhægur heimsatlas fyrir þá sem vilja hnitmiðaða bók um heiminn.
<strong>Concise Atlas of the World </strong>er bók fyrir þá sem vilja hafa skýra heimsmynd í kollinum, vegleg bók og vönduð sem færir lesandanum skilning og þekkingu á veröld okkar manna.
<strong>Veiðimenn Norðursins </strong>er margverðlaunuð ljósmyndabók Ragnars Axelssonar, RAX, og skartar óviðjafnanlegum ljósmyndum frá heiminum við Heimskautsbaug.
<strong>Alheimurinn </strong>er veglegt rit sem tekur fyrir grundvallarhugtök stjörnufræðinnar, sólkerfið, Vetrarbrautina okkar og þá hluta himingeimsins sem liggja handan hennar, og geymir einnig vegvísi um himingeiminn fyrir áhugastjörnufræðinga.
<strong>Egils saga</strong> er jafn mögnuð lesning í dag og hún var þegar hún var rituð á 13. öld og eins og önnur Íslensk fornrit er hún nánast skyldueign enda eru ritin botnlaus uppspretta innblásturs og skemmtunar.
<strong>Reykjavík út og inn </strong>er skemmtileg ljósmyndabók um höfuðstað Íslands, þar sem lesandinn fer á milli borgarhluta og kynnist hverjum stað fyrir sig, oft með alveg nýjum hætti.
<strong>Perlur í náttúru Íslands </strong>er ítarleg bók um landið okkar þar sem saman kemur fróðleikur um jarðsögu landsins, náttúru landsins frá fjöru til fjalla og tengingu lands við sögu þjóðarinnar.
<strong>Ferðahandbók fjölskyldunnar</strong> fer með lesendur sína réttsælis í kringum landið, byrjað á Akranesi og endað á suðvesturhorninu. Ótal gönguleiðir við allra hæfi og fróðleikur í bland.
<strong>Perlur í skáldskap Laxness </strong>hefur að geyma fjölmörg sýnishorn af orðsnilld Nóbelsskáldsins. Í bókinni er að finna fjórtán hundruð tilvitnanir úr verkum Kiljan.
<strong>Merkisdagar á mannsævinni </strong>er skemmtileg og fróðleg bók um alla þá hátíðis- og tyllidaga sem við förum gegnum á lífsleiðinni. Uppruni, merking og tilgangur allra daganna er hér skýrt framsettur af þjóðháttafræðingnum Árna Björnssyni.
<strong>Hjólabókin</strong> er ekki amalegur ferðafélagi þegar hjólað skal um Vestfirði. Kemur einnig að góðum notum fyrir þá sem eru akandi.
<strong>Ísland í aldanna rás</strong> er röð úrvalsrita um sögu lands og þjóðar. Hér er 19.öldin tekin fyrir. Mannlíf og viðburðirbirtast ljóslifandi í vönduðum, fróðlegum og líflegum texta.
<strong>500 Delicious Desserts </strong>er bók fyrir áhugakokka á fermingaraldri því eftirréttir eru kjörleið til að kynnast eldamennskunni, margir einfaldir og flestir sætir. Hér er eitthvað að finna við allra hæfi.
<strong>Íslenski hesturinn </strong>er afar ítarlegt og yfirgripsmikið rit um hið einstaka hrossakyn sem á Íslandi finnst. Eiguleg bók fyrir hestamanninn.
[ Smellið til að sjá stærri mynd ]
Góð bók er lífstíðareign, hvort sem hún talar til lesandans í máli eða myndum. Á meðan aðrar gjafir úreldast og slitna blífur bókin og getur glatt eigandann aftur og aftur.

Góð bók er lífstíðareign, hvort sem hún talar til lesandans í máli eða myndum. Á meðan aðrar gjafir úreldast og slitna blífur bókin og getur glatt eigandann aftur og aftur. Möguleikarnir til góðra bókagjafa eru óteljandi þegar fermingar eru annars vegar en ætla má að einhverjar hugmyndir leynist hér á síðunni. Af nógu er alltént að taka í bókaverslunum borgarinnar. Bækurnar sem hér eru nefndar fást meðal annars í bókaverslun Eymundsson.

jonagnar@mbl.is