Bentey fæddist á Dynjanda í Jökulfjörðum 9. maí 1925. Hún lést 9. mars 2012 á Hjúkrunarheimilinu Skjóli.
Útför Benteyjar fór fram frá Fríkirkjunni í Reykjavík 9. mars 2012.
Þann 4. mars síðastliðinn fórstu frá mér, elsku amma mín.
Mér finnst erfitt að trúa því að þú sért farin frá okkur, en eftir allt sem þú hefur gengið í gegnum held ég að þetta hafi verið best fyrir þig. Það er erfitt að sætta sig við það en maður situr þó eftir með allar þessar yndislegu minningar um stundir sem við áttum saman.
Ég man sérstaklega vel eftir tímabili þar sem ég fór til þín á hverjum degi eftir skóla og alltaf talaðar þú um að þú ættir engar kökur fyrir mig en sjaldan var það svo. Ég á líka margar fleiri yndislegar minningar. Þú varst besta fyrirmynd sem hægt var að eiga. Ég vildi stundum vera engill á himnum, þá myndi ég vera með þér og mömmu. Lífið verður aldrei eins án þín, amma mín.
Þín
Adda
Er við lítum um öxl
til ljúfustu daga
liðinnar ævi,
þá voru það stundir
í vinahópi
sem veittu okkur
mesta gleði.
(Nico)
Elsku Bentey, við Emil þökkum þér hjartanlega fyrir allar góðu stundirnar sem við höfum átt saman og sendum fjölskyldu þinni innilegar samúðarkveðjur.
Kristín
Sveinsdóttir.