Ég sé sr. Sigurð Árna Þórðarson fyrir mér sem góðan biskup á erfiðum tímum. Ég þekki hann sem mikinn heilindamann og ljúfmenni í öllum mannlegum samskiptum.

Ég sé sr. Sigurð Árna Þórðarson fyrir mér sem góðan biskup á erfiðum tímum. Ég þekki hann sem mikinn heilindamann og ljúfmenni í öllum mannlegum samskiptum. Mann með hæfileika til að laða það besta fram í fólki og leyfa hugmyndum þess og kröftum að njóta sín. Jafnframt sem hugsjónamann og mikinn dugnaðarfork sem á gott með að koma sjónarmiðum sínum á framfæri í ræðu og riti.

Enn eykur það traust mitt á Sigurði Árna sem biskupsefni hve fjölbreytta og dýrmæta starfsreynslu hann hefur og hve kunnugur hann er aðstæðum bæði á landsbyggðinni og í Reykjavík og þjónustu kirkjunnar á ólíkum vettvangi. Og ekki spillir staðgóð menntun.

Eftirfarandi birtist einungis
í Gagnasafni Morgunblaðsins á Netinu:

Sigurður Árni hefur verið virkur í umræðu um málefni kirkjunnar undanfarin ár og opinn fyrir nýjungum án þess að vanmeta góðan arf. Hann hefur næma tilfinningu fyrir rétti þeirra sem höllum fæti standa og jöfnuður og hófsemd, t.d. í umgengni við náttúruna, eru honum hugleikin.

Hefði ég atkvæðisrétt þá kysi ég hann sem biskup.

mbl.is/greinar

Eftirfarandi birtist einungis
í Gagnasafni Morgunblaðsins á Netinu:

Sr. Sigurð Árna Þórðarson hitti ég fyrst sem samstúdent í guðfræði í Háskóla Íslands. Kynnin af honum voru góð frá upphafi og ánægjulegt samstarf áttum við á þeim árum einkum á vettvangi Kristilegs stúdentafélags.

Ég hef svo fylgst með honum í gegnum árin. Las t.d. doktorsritgerð hans af mikilli athygli þar sem hann af glöggskyggni rýnir í íslenskar trúarhefðir.

Við áttum síðar samstarf í vinnu við safnaðaruppbyggingu þegar Sigurður Árni var framkvæmdastjóri verkefnisins, sem starfsmaður Biskupsstofu, en undirritaður í safnaðaruppbyggingarnefnd.

Sigurður Árni dvaldist um árbil sumarlangt sem barn og unglingur á Brautarhóli í Svarvaðardal og á sterkar taugar til þeirra slóða en annars alinn upp í Vesturbænum í Reykjavík þar sem hann gegnir nú prestsþjónustu.

Ég sé sr. Sigurð Árna Þórðarson fyrir mér sem góðan biskup á erfiðum tímum. Ég þekki hann sem mikinn heilindamann og ljúfmenni í öllum mannlegum samskiptum. Mann með hæfileika til að laða það besta fram í fólki og leyfa hugmyndum þess og kröftum að njóta sín. Jafnframt sem hugsjónamann og mikinn dugnaðarfork sem á gott með að koma sjónarmiðum sínum á framfæri í ræðu og riti.

Enn eykur það traust mitt á Sigurði Árna sem biskupsefni hve fjölbreytta og dýrmæta starfsreynslu hann hefur og hve kunnugur hann er aðstæðum bæði á landsbyggðinni og í Reykjavík og þjónustu kirkjunnar á ólíkum vettvangi. Og ekki spillir staðgóð menntun.

Sigurður Árni hefur verið virkur í umræðu um málefni kirkjunnar undanfarin ár og opinn fyrir nýjungum án þess að vanmeta góðan arf. Hann hefur næma tilfinningu fyrir rétti þeirra sem höllum fæti standa og jöfnuður og hófsemd, t.d. í umgengni við náttúruna, eru honum hugleikin. Hefði ég atkvæðisrétt þá kysi ég hann sem biskup.

Vigfús Ingvar Ingvarsson, fyrrverandi sóknarprestur.