Leiðrétt

Ástrós Eyja fæddist 1933

Í æviágripi Ástrósar Eyju Kristinsdóttur í blaðinu í fyrradag var sagt að hún hefði fæðst 7. nóvember 1922. Hið rétta er að hún fæddist 1933.

Einn afa átti ég

Í minningargrein í blaðinu í gær um Gunnar Gíslason eftir Clöru Gunnarsdóttur urðu mistök í vinnslu. Fyrsta setning greinarinnar átti að hljóða svo:

Einn afa átti ég en stórbrotinn afa ég átti og er ævinlega þakklát fyrir þau árin sem ég hef fengið að njóta með honum.

Eyvör var systir Ingibjargar

Í Morgunblaðinu í gær var sagt í pistlinum Merkir Íslendingar að Eyvör Snorradóttir hafi verið systir Lárusar S. Tómassonar, skólastjóra á Seyðisfirði. Þetta er ekki rétt.

Hún var systir tengdamóður hans, Ingibjargar Snorradóttur, og eiginkona Gísla Wíum, snikkara og skáldmærings. En dóttir þeirra Ingibjargar og Gísla var Þórunn, móðir Inga T. tónskálds.

Árétting

Gamla Slipphúsinu við Reykjavíkurhöfn hefur verið breytt í hótel, eins og fram kom í viðtali við forsvarsmenn JE Skjanna byggingaverktaka í Morgunblaðinu í fyrradag. Þeir sögðu að vinnan hafi gengið snurðulaust fyrir sig en helsta vandamálið hafi verið að fá forsvarsmenn skipulags Faxaflóahafna og skipulags Reykjavíkurborgar að samþykkja framkvæmdina. Þeir árétta að þeir hafi aldrei komið að lokuðum dyrum, hvorki hjá Faxaflóahöfnum né skipulagsyfirvöldum í Reykjavík, og samstarfið við forsvarsmennina hafi verið frábært enda hafi þeir verið þeim innan handar í einu og öllu. Vandamálið sem vísað hafi verið til hafi falist í samræmingu. Um sé að ræða tvö stór og ábyrgðarmikil embætti sem bæði lúta umfangsmiklu regluverki sem nauðsynlegt hafi verið að finna sameiginlegan flöt á til fá verkefnið til að ganga upp.