Guttarnir frá Bergen. Norður &spade;ÁG97 &heart;9 ⋄G54 &klubs;DG542...

Guttarnir frá Bergen.

Suður spilar 4♠.

Norðmenn halda árlega meistarakeppni spilaklúbba, sem nær hámarki með helgarmóti átta bestu sveitanna. Úrslitakeppnin í ár fór fram í Namsos og vann klúbbur frá Bergen. „Gull til Bergensgutta“ stóð í mótsblaðinu, en „guttarnir“ eru reyndar flestir komnir af léttasta skeiði og nær því að vera „gamlir kallar“. Þeir eru Tor Bakke, Magne Eide, Kjell Gaute Fyrun, Jim Höyland og Sven-Olai Höyland.

Aldursforsetinn, Tor Bakke (63), fékk út einspilið í laufi gegn 4♠. Á hann séns?

Á hinu borðinu spilaði vestur út ♦Á-K og þriðja tíglinum. Suður trompaði, aftrompaði vörnina og lagði upp tíu slagi: fékk fimm á tromp og fimm á lauf. En Bakke var bjargarlaus. Ef hann reynir að byggja upp rauða stungu mun vestur trompa lauf, og ef hann tekur strax fjögur tromp – eins og hann gerði í raun – vantar tíunda slaginn.