Frískleg og heilbrigð húð er lykilatriði

Fríða María segir að sumarið kalli almennt á aukinn ferskleika í förðun en minni dramatík, léttari farða, frísklegan gljáa eða ljóma og bjarta eða milda liti.

Vera - 1:

Eftir að hafa borið rakakrem á húðina er borinn á hana Illuminating Perfecting Primer frá Estée Lauder sem gefur fallegan ljóma, jafnar áferð húðarinnar og tryggir betri endingu. Ofan á primerinn kemur svo Daywear BB frá Estée Lauder sem er ný og spennandi vara, litað dagkrem sem jafnar húðlit, gefur raka, er ríkt af andoxunarefnum og inniheldur sólarvörn SPF35. Á kinnar er notaður Pot Rouge for Lips and Cheeks – Pale Pink nr. 11 frá Bobbi Brown, sem er einstaklega góður kremlitur í kinnar og á varir, þægilegt er að bera hann á og áferðin er fersk og falleg. Á augu er notaður Long-Wear Cream Shadow – Nude Beach no. 33 og Candlelight nr. 36 frá Bobbi Brown, kremaðir augnskuggar með fínlegu shimmeri sem þorna eftir að þeir hafa verið bornir á og haldast vel. Einnig góðir sem grunnur fyrir aðra augnskugga. Þá er notaður Intensifying Long-Wear Mascara frá Bobbi Brown og í augabrúnir er fyllt inn í með augabrúnablýanti og svo borið á Natural Brow Shaper – hvort tveggja í Blonde, frá Bobbi Brown. Vilji maður skerpa brúnirnar er mikilvægt að velja blýanta eða skugga í augabrúnir í sem ljósustum tón, fylla inn í án þess að dekkja, því annars verða brúnirnar oft of harðar. Þá er notaður á varirnar Treatment Lip Shine – Pink Seashell frá Bobbi Brown.

Vera - 2: Hér eru sami primer og litað dagkrem frá Estée Lauder notuð en í kinnar og varir er notaður Pot Rouge for Lips and Cheek – Rose no. 10. Á augun er Long-Wear Cream Shadow – Nude Beach nr. 33 notaður sem grunnur og ofan á hann kemur mattur augnskuggi – Taupe no. 4, báðir frá Bobbi Brown, sem dekkir og dregur aðeins úr shimmerinu í kremskugganum. Sami maskari er notaður en að þessu sinni er aðeins notað augabrúnagel – Blonde frá Bobbi Brown, en ekki notaður blýantur í augabrúnirnar til þess að þær hafi léttara yfirbragð til mótvægis við dekkri augnförðun.

Ásdís - 1:

Ofan á gott rakakrem er borinn Matte Perfecting Primer frá Estée Lauder sem mattar, jafnar áferð húðarinnar og tryggir betri endingu. Ofan á hann kemur nýjung frá Estée Lauder sem heitir Invisible Fluid Makeup. Þetta er mjög léttur farði sem jafnar húðlit án þess að það sjáist, svona ósýnilegur farði sem gerir kraftaverk. Í kinnar er notaður Pot Rouge for lips and Cheeks – Pale Pink nr. 11 frá Bobbi Brown og dustað ofan á hann, á kinnbein og vanga, Shimmer Cheek Glow – Gold nr. 3 frá Bobbi Brown, sem er gegnsætt og fínlegt glitpúður. Á augun er notaður Long-Wear Cream Shadow – Copper nr. 42 og Lash Glamour Extreme Lengthening Mascara frá Bobbi Brown og í augabrúnirnar er eingöngu sett glært augabrúnagel. Þá er að lokum notaður Treatment Lip Shine – Orchid Pink frá Bobbi Brown, en það getur verið hressandi að leika sér t.d. með hlýja tóna í augum á móti köldum í vörum, eða öfugt.

Ásdís - 2: Hér eru sami primer og farði frá Estée Lauder notaðir ásamt kremkinnalitnum frá Bobbi Brown, en dustað ofan á hann, á kinnbein og vanga, Shimmer Cheek Glow – Miami nr. 2 frá Bobbi Brown. Á augun er notaður Long-Wear Cream Shadow – Bronze Sugar nr. 34 sem grunnur og ofan á hann mattur augnskuggi – Toast nr. 14, hvorir tveggja frá Bobbi Brown. Sami maskari er notaður og glært gel í augabrúnirnar. Þá er endað á björtum og frísklegum varalit, Pure Color – Melon nr. 25 frá Estée Lauder.

jonagnar@mbl.is