Arndís Guðnadóttir

Maðurinn með ljáinn hafði loks sigurinn þrátt fyrir að þú hefðir barist af öllum krafti. Þú sigraðir hann oftar en einu sinni en nú hafði hann vinninginn. Addý var skemmtilegur karakter, mjög víðlesin, einstaklega bóngóð og ótrúlega viljasterk. Hún sagði sjálf að hún væri einfari og var ég henni að nokkru sammála. Síðustu árin hafa verið henni erfið vegna líkamlegra veikinda en ekkert stöðvaði Addý. Hún hafið þennan X factor, þ.e. ef hún ætlaði sér eitthvað þá gerði hún það. Sumarbústaðurinn á Þingvöllum (kofinn minn) var henni mjög hugleikinn enda dvaldi hún þar öllum stundum. Þar gat hún hvílt sig, lesið góðar bækur, legið í pottinum og fengið útrás fyrir fegurðina sem umleikur Þingvallasveit. Ég votta eftirlifandi eiginmanni, börnum og aðstandendum mína dýpstu samúð.