Hybris. N-NS
Norður | |
♠Á7 | |
♥KDG103 | |
♦K5 | |
♣9874 |
Vestur | Austur |
♠G6 | ♠10954 |
♥Á972 | ♥8654 |
♦G10932 | ♦8764 |
♣32 | ♣Á |
Suður | |
♠KD832 | |
♥-- | |
♦ÁD | |
♣KDG1065 |
Almennt vafðist ekki fyrir keppendum EM að ná 6♣, þrátt fyrir tvo ása úti. En þrjú pör opna flokksins gerðu betur en vel – sögðu 7♣. Fantoni og Nunes voru í þeim vafasama hópi.
Nunes í norður opnaði á 12-14 punkta grandi. Skiptingin er andgrandleg, en innan veggja í þeirra skrýtna kerfi. Fantoni spurði með 2♣, fékk upp hjarta og sýndi þá lauf eðlilega með 3♣. Nunes ítrekaði hjartalitinn, en Fantoni fastsetti laufið með 4♣. Þrjár fyrirstöðusagnir fylgdu í kjölfarið (4♦, 4♥ og 4♠), síðan komu 4G frá suðri. Ekki er ljóst af mótsgögnum hvað sú sögn merkir, en alla vega svaraði Nunes með 5♣. Fantoni hækkaði í 6♣ og ...Nunes lyfti í 7♣!?
Misskilningur? Varla, frekar oflæti. Grandopnarinn er í hlutverki hins innrammaða þræls og má undir engum kringumstæðum taka sér húsbóndavald.