Er eitt af því sem ég lærði sem ungur maður vitlaust, þ.e. þegar ég tók ákvörðun um að giftast konu sem ég elskaði og svo að eignast börn og buru?
Við skulum segja að fólk eigi að fá að ráða sambúðarforminu sem það vill búa, en í einlægni, verðum við þá ekki að segja að við viljum forseta sem er annaðhvort einstæður eða giftur. Við erum jú að tala um æðsta embætti Íslands. Forseta Íslands. Fyrir utan það þá finnst mér dálítið skrítið þegar samkynhneigðir vilja ólmir fá að giftast og allir réttlæta það.
Ef menn vilja fá kvenmann í forsetaembætti sem hefir bein í nefinu og sem hefir líka burði til vinna eið að stjórnarskrá Íslands og fara eftir henni í einu og öllu, þá er sú kona til og heitir Herdís. Konur ættu virkilega að hugsa til hennar sem réttu persónunnar til að gegna embætti forseta Íslands með prýði.
Er þá ekki öllum ljóst ef milljónirnar, sem sumir hafa í kosningasjóðum, væru hennar megin þá er ekki vafi á að það yrði litið til hennar. Það er því mikilvægt að vita hverjir styrkja hvern en það sýnir svart á hvítu hvort styrkir eru pólitískir eða ekki. Ég vil að það verði gert strax.
Valdimar
Samúelsson
rithöfundur
Frá Valdimai Samúelssyni
Til baka
Leita í greinasafni
Prenta grein
