Íslensk stjórnmál þarfnast fólks, sem skilur atvinnulífið og mikilvægi þess að allir þátttakendur taki höndum saman í uppbyggingu þess. Íslensk stjórnmál þurfa fólk, sem lætur sig velferð heildarinnar varða, ekki bara eigin hagsmuni. Íslensk stjórnmál þurfa fólk, sem getur sett sig í spor annarra og skilið ólík sjónarmið, í því skyni að komast að skynsamlegri niðurstöðu. Íslensk stjórnmál þurfa á fólki að halda, sem er reiðbúið að leggja sig fram um að ná þeim niðurstöðum, sem koma þjóðinni vel.
Nú ber vel í veiði, því Elínbjörg Magnúsdóttir býður sig fram í prófkjöri Sjálfstæðisflokksins í Reykjavík. Í fyrra starfi mínu hjá HB Granda kynntist ég Elínbjörgu og fann að hún er einmitt þeim kostum búin, sem íslensk stjórnmál þurfa svo mjög á að halda. Því er mikilvægt að sjálfstæðismenn láti ekki happ úr hendi sleppa og tryggi Elínbjörgu Magnúsdóttur góðan árangur í prófkjörinu.
EGGERT BENEDIKT
GUÐMUNDSSON,
rafmagnsverkfræðingur.
Frá Eggerti Benedikt Guðmundssyni
Til baka
Leita í greinasafni
Prenta grein
