Haldið undir skírn Frá vinstri: Margrét Scheving; Friðbjörn Ásbjörnsson; afmælisbarnið heldur á nafna sínum; Íris Tryggvadóttir og Óttar Sveinbjörnsson. Myndin er tekin haustið 2009 er Ásbjörn yngri var skírður.
Haldið undir skírn Frá vinstri: Margrét Scheving; Friðbjörn Ásbjörnsson; afmælisbarnið heldur á nafna sínum; Íris Tryggvadóttir og Óttar Sveinbjörnsson. Myndin er tekin haustið 2009 er Ásbjörn yngri var skírður.
Á bryggjunni Þeir nafnarnir, Ásbjörn eldri og yngri að athuga lyftarann.
Brugðið á leik Afmælisbarnið og Kristján Þór Júlíusson alþm.
[ Smellið til að sjá stærri mynd ]
Ásbjörn fæddist í Reykjavík en ólst upp á Hellissandi. Hann var í Grunnskóla Hellissands, stundaði síðar nám við Stýrimannaskólann í Reykjavík og lauk þaðan skipstjórnarprófi 1983.

Ásbjörn fæddist í Reykjavík en ólst upp á Hellissandi. Hann var í Grunnskóla Hellissands, stundaði síðar nám við Stýrimannaskólann í Reykjavík og lauk þaðan skipstjórnarprófi 1983.

Fór 15 ára fyrst til sjós

Ásbjörn var 15 ára er hann fór fyrst til sjós, 1978, var þá háseti á aflaskipinu Skarðsvík, var síðan á bátum frá Rifi, stýrimaður frá 1983, stofnaði útgerð 1985 og stofnaði, ásamt öðrum, fiskvinnslu- og útgerðarfyrirtækið Nesver 1987, og á og rekur fyrirtækið frá 2003.

Ásbjörn sat í bæjarstjórn Snæfellsbæjar 1994-2009, var forseti bæjarstjórnar frá 1998, sat í bæjarráði Snæfellsbæjar 1994-98, í siglingaráði 1999-2007 og ýmsum nefndum sveitarfélagsins, sat í kjörnefnd sjálfstæðismanna í Norðvesturkjördæmi 2003 og hefur verið formaður kjörnefndar frá 2007.

Ásbjörn hefur verið alþingismaður fyrir Sjálfstæðisflokkinn í Norðvesturkjördæmi frá 2009, situr í fjárlaganefnd Alþingis frá 2009, sat í samgöngunefnd 2009-2011 og sat í þingmannanefnd til að fjalla um skýrslu rannsóknarnefndar Alþingis 2009-2010.

Ásbjörn sér ekki sólina fyrir barnabörnunum. Þá er hann áhugamaður um laxveiði: „Ég hef lengi haft áhuga á laxveiði enda hverfur ekki veiðimannseðlið við það að koma í land. Ég hef farið töluvert í lax víða um land en uppáhaldsáin mín er Miðfjarðará.“

– Lestu mikið Ásbjörn?

„Nei. Ég er enginn lestrarhestur. Ætli maður lesi ekki mest gögnin frá fjárlaganefnd. Þar er alla vega nægilegt lestrarefni þótt það sé nú kannski ekki mjög spennandi.

Annars hef ég mest gaman af ævisögum og frásögnum ýmiss konar. Ég var t.d. að lesa bókina um Gísla á Uppsölum, en hann var víst eitthvað skyldur mér. Svo hef ég marglesið allan bókaflokkinn hans Steinars J. Lúðvíkssonar, Þrautgóðir á raunastund. Það eru frábær rit. Ég er hins vegar ónýtur við skáldsögur og smásögur og get ekki einu sinni sagt að ég lesi glæpareyfara.

Fjölskylda

Eiginkona Ásbjörns er Margrét G. Scheving, f. 14.11. 1962, útgerðarmaður. Foreldrar hennar eru Gylfi Guðmundur Scheving, f. 6.1. 1940, verkstjóri og bifreiðastjóri í Ólafsvík, og Jóhanna Guðríður Hjelm, f. 22.4. 1944, húsfreyja.

Synir Ásbjörns og Margrétar eru Friðbjörn Ásbjörnsson, f. 24.7. 1984, framkvæmdastjóri Fiskmarkaðar Breiðafjarðar, en kona hans er Soffía Elín Egilsdóttir húsfreyja og eiga þau tvö börn, Ásbjörn og Særúnu; Gylfi, f. 26.9. 1988, sjómaður á Rifi; Óttar, f. 24.5. 1996, nemi.

Systkini Ásbjörns eru Tryggvi Óttarsson, f. 17.5. 1964, fiskútflytjandi, búsettur í Svíþjóð en kona hans er Kristina Anderson fiskútflytjandi; Júníana Óttarsdóttir, f. 8.2. 1973, verslunarmaður á Hellissandi en maður hennar er Jóhann Pétursson bókari.

Foreldrar Ásbjörns eru Óttar Sveinbjörnsson, f. 14.11. 1942, kaupmaður á Hellissandi, og k.h., Guðlaug Íris Tryggvadóttir, f. 14.8. 1941, verslunarmaður.