Brids - Guðmundur Páll Arnarson | ritstjorn@mbl.is

Innkast í trompi. S-Allir

Þórarinn tannlæknir Sigþórsson hefur ekki sést við keppnisborð í áratugi, en hann spilar stundum á netinu, einkum á OK-bridge. Þar heitir hann „Icelax“, einhverra hluta vegna.

„Tóti hefur engu gleymt,“ segir lögmaðurinn Jón Steinar Gunnlaugsson, einn af spilafélögum Þórarins á OK-vefnum. Jón var í hlutverki makkers og áhorfanda í norður. Þórarinn vakti á 1♥, Jón sagði 2♣ og síðan 4♥ við 2♦. Það dugði Þórarni til að reyna 6♥. Útspilið var ♠5.

Þórarinn spilaði trompi í öðrum slag – og kóngur upp úr austrinu. Þótt austur væri nokkuð hátt skrifaður á OK-vísu taldi Þórarinn ólíklegt að hann væri að blekkja með kónginn annan og gerði út á innkast á vestur. Hann drap á ♥Á, tók tvo slagi í viðbót á spaða, henti tígli og spaða í ♣ÁK og stakk lauf. Tók toppana þrjá í tígli og spilaði loks litlu trompi í þriggja spila endastöðu.

Gleðileg jól, kæri vestur.