Líney Sigurðardóttir
Þórshöfn
Veitingastaðurinn við höfnina opnaði um síðustu helgi undir nýju nafni og hjá nýjum eiganda en húsfyllir var þá frá opnun, allt fram á rauða nótt. Báran heitir staðurinn núna og nýi eigandinn er Sóley Vífilsdóttir sem var að vonum ánægð með vel heppnaðan dag.
Sóley hlakkar til að takast á við ný verkefni en hún er kennari að mennt. „Framtíðarsýnin mín er að tengja staðinn enn betur við hafið. Þetta húsnæði var einu sinni skreiðarloft, stendur hér í fjöruborðinu við smábátabryggjuna og á matseðlinum hugsa ég mér fjölbreytta fiskrétti. Ferðafólk hefur almennt áhuga á fiskinum, ekki síst útlendingar. Pitsur og hamborgarar fá líka sinn stað og svo er gott kaffi ómissandi,“ sagði Sóley.
Enski boltinn verður einnig á sínum stað á tjaldinu svo unnendur fótbolta geta áfram átt góðar stundir á Bárunni.
Til baka
Leita í greinasafni
Prenta grein
