Brids - Guðmundur Páll Arnarson | ritstjorn@mbl.is

Grimmir feðgar. S-Allir

Dönsku feðgarnir Morten (47) og Dennis (22) Bilde eru á hvers manns vörum í bridsheiminum eftir sannfærandi sigur í Vanderbilt-keppninni á dögunum. Þeir gera fá mistök og eru grimmir í sögnum.

Í úrslitaleiknum við hollensku landsliðsmennina opnaði Morten í suður á 15-17 punkta grandi. Dennis spurði um háliti og stökk svo í 3G við 2♥ makkers. Ekkert gefið eftir.

Bas Drijver kom út með lítið hjarta, Sjoert Brink tók með ás og spilaði meira hjarta. Morten drap og spilaði ♣G. Ásinn upp hjá Drijver og hjartað fríað með gosa. Hvað nú?

Það er ekkert sem heitir – laufið verður að gefa þrjá slagi og Morten spilaði með líkum: Fór inn á blindan á hátígul og svínaði ♣9 til baka! Lagði niður ♣K, spilaði aftur tígli á blindan og tók níunda slaginn á ♣D.