Að smíða eða smíða ekki sportjeppann Urus hefur verið að velkjast fyrir stjórnendum Lamborghini. Bíllinn var kynntur til sögunnar á sýningu í Peking snemma árs í fyrra en er nær leið áramótum virtist ítalski bílsmiðurinn gerast afhuga jeppanum.
En með hækkandi sól hefur nú verið ákveðið að ráðast í smíði Urus en hann er þó ekki boðaður á götuna fyrr en árið 2016. Hverjar ástæðurnar eru fyrir þessum skjótu sinnaskiptum liggur ekki fyrir, en víst er að aðdráttarafl Urus var mikið á bílasýningunni í Peking þar sem hugmyndabíllinn kom fyrst fyrir sjónir manna.
Grind úr kolvetni og stáli
Væntingar stjórnenda Lamborghini til bílsins voru miklar og nú hefur trú þeirra á verkefnið vaxið aftur. Er miðað við að hönnun hans verði lokið í ár og eftir það taki við smíði frumgerðar til prófunar og frekari þróunar.Hermt er að Urus verði byggður upp á sama MLB-undirvagni og aðrir fjórdrifsbílar Volkswagen-samsteypunnar; Porsche Cayenne, Volkswagen Touareg og Audi Q7. Grindin og byrðingurinn verða byggð með nýstárlegu sniði úr koltrefjum og áli.
agas@mbl.is