Sigursælir málaliðar. S-Allir
Norður | |
♠ÁD5 | |
♥KG2 | |
♦KDG5 | |
♣DG2 |
Vestur | Austur |
♠3 | ♠9876 |
♥1098 | ♥D654 |
♦7 | ♦10932 |
♣ÁK1098765 | ♣3 |
Suður | |
♠KG1042 | |
♥Á73 | |
♦Á864 | |
♣4 |
Jón Baldursson og Þorlákur Jónsson hafa lengi tekið þátt í bandarískum stórmótum, nú upp á síðkastið sem málaliðar í herdeild Ríkharðs svarta (Richards Schwarts). Þeir unnu opnu sveitakeppnina á vorleikunum í St. Louis (Jacoby Open Swiss), annað virðulegasta mót leikanna á eftir Vanderbilt. Aðrir liðsmenn Schwarts eru Kanadamaðurinn Alan Graves og Norðmennirnir Boye Brogeland og Epsen Lindquist.
Spilið að ofan kom fyrir í upphitunarmóti í St. Louis (sem þeir unnu líka). Jón og Þorlákur voru í NS gegn Þjóðverjunum Smirnov og Piekarek. Þorlákur opnaði á 1♠, Smirnov hindraði í 4♣, Jón stökk í 5♠ og Þorlákur lyfti í slemmu. Út kom ♣K og... hjartatía í öðrum slag!?
Þorlákur svínaði ♥G og drap drottningu austurs. Tók svo slagina á tromp og tígul og þvingaði Smirnov í mjúku litunum. Hjartasjöan heima var gulli betri.