Hið gullna jafnvægi. S-Allir
Norður | |
♠Á962 | |
♥95 | |
♦KG1096 | |
♣53 |
Vestur | Austur |
♠KDG10 | ♠3 |
♥G432 | ♥KD86 |
♦D52 | ♦743 |
♣D8 | ♣G9764 |
Suður | |
♠8754 | |
♥Á107 | |
♦Á8 | |
♣ÁK102 |
Hvert er hið gullna jafnvægi ágóðavonar og áhættu? Sú spurning liggur að baki mörgum mannlegum ákvörðunum og ekki hvað síst við spilaborðið. Ein birtingarmyndin er þessi: Á að dobla í von um hámarksgróða eða passa til að tryggja töluna?
Suður opnar á grandi (15-17), norður spyr um háliti, fær upp spaðalit og segir 4♠. Hvað á vestur að gera? Dobla gráðugur og hætta á að styggja bráðina, eða passa nægjusamur?
Sama staðan kom upp á báðum borðum í landsliðseinvígi Kranyaks og Fleishers. Chris Willenken doblaði, Kevin Bathurst passaði. Doblið hrakti NS í 4G. Willenken var óhress með þá þróun, en þegar til kom lak sá samningur einn niður. Á hinn bóginn unnust 4♠, reyndar eftir veika vörn. Útspilið var ♠K. Sagnhafi dúkkaði, drap næst á ♠Á og sá leguna. Fór þá í tígulinn og svínaði fyrir drottninguna. Það dugði til vinnings.
Einhver lærdómur? Helst sá, að erfitt sé að spá, einkum um framtíðina.