Sparsamur fyrirliði.

Sparsamur fyrirliði. S-NS

Norður
♠109643
♥KD5
♦32
♣G82
Vestur Austur
♠G85 ♠D2
♥G86 ♥32
♦K1095 ♦D874
♣Á109 ♣KD764
Suður
♠ÁK7
♥Á10974
♦ÁG6
♣53
Suður spilar 4♠.

Almennt borgar sig að spila stillt út upp í sterka grandopnun, bíða átekta og hætta ekki á að gefa sagnhafa ódýra slagi. Með þá speki reynslunnar í huga kom Ralph Katz út með tromp gegn 4♠.

Chris Willenken opnaði á 15-17 punkta grandi í suður og Michael Rosenberg yfirfærði í spaða. Willenken tók sterkt undir spaðann með 3♠ og Rosenberg lyfti í 4♠. Spaðafimman út, lítið úr borði og TVISTURINN frá Nick Nickell?!

Sparsemi Nickells kostaði aðeins yfirslag í þetta sinn, 650 út í staðinn fyrir 620. En hvernig fer samningurinn með hvassara útspili, tígli til dæmis?

Hann stendur á borðinu. Sagnhafi drepur á ♦Á, leggur niður ♠ÁK, spilar svo hjörtum og hendir niður tígli í borði. Vestur getur ekki trompað fyrr en í fjórða sinn og það er of seint.

En 4♥ vinnast hins vegar aldrei með tígli út.