Þjóðminjasafni Íslands hefur verið færður skautbúningur Margrétar Þorbjargar Kristjánsdóttur til varðveislu. Það var Margrét Þ.

Þjóðminjasafni Íslands hefur verið færður skautbúningur Margrétar Þorbjargar Kristjánsdóttur til varðveislu.

Það var Margrét Þ. Norland sem færði safninu búninginn til minningar um ömmu sína og afa, Margréti Þorbjörgu og Thor Jensen sem færði konu sinni búninginn að gjöf á 25 ára brúðkaupsafmæli þeirra.

Búningurinn er hinn glæsilegasti en loftverkið á skartinu er úr gulli og það smíðaði Magnús Erlendsson. Sprotabelti, koffri og nælu hefur verið komið fyrir á hátíðarsýningunni Silfur Íslands í Bogasal Þjóðminjasafnsins.

Sigurður Guðmundsson málari hannaði skautbúninginn á árunum 1858-1860.

Leiðrétting 25. júní - Líka í minningu foreldra

Í Morgunblaðinu í gær var sagt frá gjöf Margrétar Norland til Þjóðminjasafnsins. Margrét gaf safninu skautbúning ömmu sinnar í minningu afa síns og ömmu, Thors Jensen og Margrétar Þorbjargar Kristjánsdóttur. Skautbúningurinn var einnig gefinn í minningu foreldra Margrétar, Kristínar Thors og Guðmundar Vilhjálmssonar, en þess láðist að geta í gær. Morgunblaðið biðst velvirðingar á þessum mistökum.