Með leiðsögn á ensku

Halldór Björn Runólfsson, safnstjóri Listasafns Íslands, verður með leiðsögn á ensku um sýningar safnsins, þ.e. Gersemar og Memento mori - Nátttúrugripasafn eftir Söru Riel í dag og næstu tvo fimmtudaga, þ.e. 18. júlí og 25. júlí, kl. 18.

Til að koma til móts við listunnendur og sumargesti verður Listasafn Íslands opið frá kl. 10 til 20 á fimmtudögum í júlí og ágúst. Auk fyrrgreindra sýninga eru á vegum Listasafns Íslands sýndar í sumar Úr djúpunum í Listasafni Sigurjóns Ólafssonar að Laugarnestanga 70 og Umhverfis landið á fáeinum áratugum í safni Ásgríms Jónssonar að Bergstaðastræti 74.