Brids - Guðmundur Páll Arnarson | ritstjorn@mbl.is

Ótrúlegt, en satt. N-Enginn

Raunveruleikinn er oft lygilegri en nokkur skáldskapur. Á lokasprettinum í úrslitaleik bandarísku öldungakeppninnar í Orlando átti tröllið Mike Passell að spila út gegn spaðaslemmu suðurs.

Það hafði verið stígandi í sögnum. Norður vakti á Standard-laufi, suður svaraði á spaða og Passell kom rólega inn á 2♥. Norður doblaði til að sýna sterk spil og austur lyfti í 3♥. Suður stökk í 4♠, Passell sagði 5♥ og norður 6♠.

Passell þótti sannfærandi hljómur í sögnum andstæðinganna og reyndi fyrir sér með litlu hjarta. Vonin var sú að makker kæmist inn til að spila tígli til baka. Það fór á annan veg. Sagnhafi fékk óvæntan slag á ♥G blinds og spilaði ♠K.

Komið að austri, Marc Jacobus. Hann drap á ♠Á og spilaði LAUFI. Hafði þó Passell komið út með út ♥8 og sett ♠8 á ásinn.

Ótrúlegt.