Konan sem lést í bruna í hjólhýsi í Þjórsárdal aðfaranótt síðastliðins laugardags hét Ragnheiður Sigurbjörg Árnadóttir. Ragnheiður Sigurbjörg var 75 ára að aldri. Hún bjó að Fífumóa 2 í Reykjanesbæ. Hún lætur eftir sig sambýlismann og þrjú uppkomin...

Konan sem lést í bruna í hjólhýsi í Þjórsárdal aðfaranótt síðastliðins laugardags hét Ragnheiður Sigurbjörg Árnadóttir.

Ragnheiður Sigurbjörg var 75 ára að aldri. Hún bjó að Fífumóa 2 í Reykjanesbæ. Hún lætur eftir sig sambýlismann og þrjú uppkomin börn. Talið er að eldurinn hafi kviknað út frá gasbúnaði í ísskáp hjólhýsisins, að því er segir í tilkynningu lögreglunnar.

Ásamt rannsóknardeild lögreglunnar á Selfossi komu að rannsókn slyssins tæknideild Lögreglunnar á höfuðborgarsvæðinu og kennslanefnd ríkislögreglustjóra.