Sjötta spilið.

Sjötta spilið. A-AV

Norður
♠963
♥KG5
♦53
♣KG1076
Vestur Austur
♠752 ♠ÁDG8
♥96 ♥D10
♦K962 ♦ÁG84
♣D952 ♣Á43
Suður
♠K104
♥Á87432
♦D107
♣8
Suður spilar 3♥ dobluð.

„Hann biður afsökunar á útspilinu, ekki á doblinu.“

Fimm spilum er lokið af átta í framlengingu Spingold og staðan enn í járnum. En svo dró til tíðinda. Austur (Bertheau) vakti á víðáttulaufi, suður (Jagniewski) kom inn á 1♥, vestur (Bessis) sagði pass og norður (Gawel) lyfti í 2♥. Bertheau doblaði til að sýna góða opnun og Jagniewski lyfti hindrandi í 3♥. Komið að Thomas Bessis í öðrum hring.

Bessis átti 5 punktum meira en hann hafði áður lofað og doblaði til sýna dýrðina. Allir pass og tromp út. Þar með fékk sagnhafi tíma til að sækja slag á lauf og tryggja níu slagi: 530 í NS.

„Svona er lífið,“ skrifaði David Burn á spjallið. „Oft er gott að trompa út gegn dobluðum bútum, en ekki alltaf.“

„Sorry for the lead,“ sagði Bessis, en minntist ekki á doblið. Harður nagli.