Á Þórsvelli
Andri Yrkill Valsson
sport@mbl.is
Hvorki Þórsarar né Fylkismenn komu sér frá þeirri hringiðu sem einkennir botnbaráttuna þetta árið eftir jafntefli norðan heiða, en Árbæingar hafa verið á miklum skriði undanfarið á meðan Þórsarar hafa ekki átt góðar vikur. Jafntefli vissulega sanngjörn niðurstaða, en bæði lið ætluðu sér sannarlega meira enda mikið hamrað á því hversu mikilvægt það er að vinna stig af liðunum í kring.
Hálfleikirnir kaflaskiptir
Leikurinn var sannarlega ekki í öllum regnbogans litum og var eiginlega bara tvískiptur í svart og hvítt; fjörugur fyrri hálfleikur á móti tíðindalausum seinni. Þrjú mörk á fimm mínútum glöddu augað en annars virtust leikmenn tregir til að sækja að ráði og hálfpartinn hræddir við að gera mistök, meðvitaðir um hvað mikið væri í húfi. Stór skörð voru í báðum liðum og voru Fylkismenn meðal annars án Ásgeirs Barkar Ásgeirssonar sem komið hefur eins og stormsveipur inn í liðið síðari hluta tímabilsins. Guy Eschmann tók hans stöðu í miðjumoðinu og lét sannarlega finna fyrir sér, svo mjög að honum var kippt af velli í hálfleik enda þá kominn á allra síðasta séns hjá Erlendi dómara.Þórsarar voru í meiri erfiðleikum með að stoppa upp í sín göt og spilaði fyrirliðinn Sveinn Elías Jónson meðal annars í hægri bakverði, en hann er jafnan í fremstu víglínu. Hins vegar kom Jónas Björgvin Sigurbergsson inn í liðið og stóð sig virkilega vel á miðjunni. Þórsarar gagnrýndu dómgæsluna harðlega og fengu meðal annars báðir þjálfarar Þórs gult fyrir mótmæli eftir að Jóhann Helgi Hannesson fékk olnbogaskot í andlitið innan teigs, eða eins og hann orðaði það sjálfur við blaðamann eftir leik, „beint í grillið“.
Hvorugt liðið getur sofið rótt enda lúrir falldraugurinn við rúmstokkinn. Nú skiptir hvert einasta stig máli fyrir liðin í neðri hlutanum en það er ljóst og hefur verið lengi; baráttan verður með skemmtilegasta móti í ár.
Þór – Fylkir 2:2
Þórsöllur, Pepsi-deild karla, 16. umferð, mánudag 19. ágúst 2013.Skilyrði : Sólarglæta en smágjóla að norðan. Völlurinn í góðu standi.
Skot : Þór 9 (7) – Fylkir 8 (5).
Horn : Þór 5 – Fylkir 1.
Lið Þórs : (4-3-3) Mark : Joshua Wicks. Vörn : Sveinn Elías Jónsson, Atli Jens Albertsson, Janez Vrenko (Hlynur Atli Magnússon 46.), Baldvin Ólafsson (Sigurður M. Kristjánsson 69.). Miðja : Edin Beslija, Jónas Björgvin Sigurbergsson, Ármann Pétur Ævarsson.. Sókn : Chukwudi Chijindu, Jóhann Þórhallsson (Jóhann Helgi Hannesson 74.), Mark Tubæk.
Lið Fylkis : (4-5-1) Mark : Bjarni Þórður Halldórsson. Vörn : Ásgeir Örn Arnþórsson, Kristján Hauksson, Agnar Bragi Magnússon, Tómas Þorsteinsson. Miðja : Davíð Einarsson (Hákon Ingi Jónsson 90.), Emil Berger, Finnur Ólafsson, Guy Eschmann (Pablo Dubon 46.), Elís Rafn Björnsson (Árni Freyr Guðnason 69.). Sókn : Viðar Örn Kjartansson
Dómari : Erlendur Eiríksson – 5.
Áhorfendur : 878.
1:1 Viðar Örn Kjartansson 18. slapp einn í gegn eftir langa sendingu fram völlinn.
1:2 Finnur Ólafsson 20. úr vítaspyrnu eftir að brotið var á Tómasi Þorsteinssyni.
2:2 Mark Tubæk 43. upp úr engu með óvæntu skoti fyrir utan teig.
Gul spjöld:
Rauð spjöld:
M
Chukwudi Chijindu (Þór)
Joshua Wicks (Þór)
Jónas Björgvin Sigurbergsson (Þór)
Mark Tubæk (Þór)
Finnur Ólafsson (Fylki)
Tómas Þorsteinsson (Fylki)
Viðar Örn Kjartansson (Fylki)
Pablo Oshan Dubon (Fylki)