Erlingur Sturla Einarsson fæddist í Reykjavík 4. október 1938. Hann varð bráðkvaddur á heimili sínu 23. september 2013.

Erlingur var sonur hjónanna Einars Leós Jónssonar, f. 27.4. 1893, d. 17.12. 1976, og Magneu Þóru Einarsdóttur, f. 22.6. 1912, d. 28.8. 1966.

Erlingur kvæntist Guðlaugu Sigurðardóttur, þau skildu. Saman eignuðust þau fjögur börn: 1) Guðbjörg, f. 1964, gift Bergi H. Birgissyni, sonur þeirra er Dagur Leó, f. 1994. 2) Þóra, f. 1965, börn hennar af fyrra hjónabandi eru Guðlaug María, f. 1986, Ólafur, f. 1991, Margrét Edda, f. 1994. og Þóra Kristín, f. 2000. Sambýlismaður Þóru er Kristinn Már Sveinsson. 3) Einar Leó Erlingsson, f. 1969. 4) Sigríður Ásdís, f. 1970, dætur hennar eru Guðbjörg Elísabet, f. 1992, Karen Anna, f. 1998, Erlín Katla, f. 1999, og Ylfa Karitas, f. 2006. Fyrir átti Erlingur dóttur, Magneu Þóru, f. 1959.

Erlingur var við störf hjá Bílvík í Kópavogi er hann lést.

Útför Erlings fer fram frá Guðríðarkirkju í dag, 27. september 2013, og hefst athöfnin kl. 13.

Ég fel í forsjá þína,

Guð faðir, sálu mína,

því nú er komin nótt.

Um ljósið lát mig dreyma

og ljúfa engla geyma

öll börnin þín, svo blundi rótt.

(Matthías Jochumsson)

Hvíl í friði elsku afi Erlingur.

Kveðja frá barnabörnunum.

Guðlaug María, Ólafur,

Margrét Edda, Þóra Kristín, Guðbjörg Elísabet, Karen Anna, Erlin Katla, Ylfa

Karitas og Dagur Leó.