Erfitt starf. A-Enginn Norður &spade;K102 &heart;43 ⋄ÁKD5...

Erfitt starf. A-Enginn

Starf spámannsins er erfitt, jafnvel með allar upplýsingar á borðinu. Einn skýrandinn á BBO taldi fullvíst að Claudio Nunes færi niður á 4♣ – gæfi tvo slagi á hjarta og tvo á spaða eftir misheppnaða svíningu á ♠10. Spádómurinn rættist ekki.

Spilið er frá leik Englands og Mónakó. Eftir pass í austur og suður, opnaði Tony Forrester í þriðju hendi á einu HJARTA. Fulvio Fantoni doblaði og Andy Robson stökk hindrandi í 3♥. Aftur doblaði norður og Nunes í suður sagði 4♣. Allir pass, hjarta út upp á ás, hjarta til baka á kóng, svo tígull.

Nunes tók þrisvar tromp, hæstu tígla og trompaði þann fjórða. Spilaði svo spaða á KÓNG og litlum spaða á gosa, drottningu og ás. Af hverju?

Af því að vestur var upptalinn með 5-5 í hálitunum og opnaði útspilsvísandi á hjarta, ekki spaða. Hefði hann gert það með ás-GOSA-fimmta í spaða? Nunes hélt ekki.