Tvær höfuðsyndir. S-AV
Norður | |
♠KD42 | |
♥108 | |
♦109 | |
♣KG763 |
Vestur | Austur |
♠3 | ♠1065 |
♥Á6532 | ♥KG97 |
♦K5 | ♦D8642 |
♣98542 | ♣Á |
Suður | |
♠ÁG987 | |
♥D4 | |
♦ÁG73 | |
♣D10 |
Suður spilar 4♠.
Við skildum lesandann eftir í lausu lofti í gær með syndum hlaðið spil úr pólska meistaramótinu, sem er áberandi á BBO þessa dagana. Nú reynum við lendingu undir andlegri stjórn Moose flugkappa, þjálfara Dallas-Ásanna.
Rifjum upp: Vestur spilar út með ♣8 gegn 4♠ (annað hæsta frá lélegum lit). Suður lætur ♣D undir ásinn og austur skiptir yfir í tígul í öðrum slag. Suður drepur með ás, tekur TVISVAR tromp, spilar litlu laufi úr borði að tíunni og austur hendir tígli. Tíu slagir.
Austri er vorkunn að spila tígli í öðrum slag, frekar en hjarta. Köllum það hitting. En sagnhafi gerði reginskyssu að taka ekki þriðja trompið. Hann gat gert það, yfirdrepið síðan ♣10 með kóng og hent tveimur hjörtum í ♣G og ♣7. Fríað þannig ♣6 og tryggt tíu slagi. Austur er auðvitað bersyndugur að trompa ekki laufið.