Syndir og dáðir. S-Allir Norður &spade;Á983 &heart;K32 ⋄G5...

Syndir og dáðir. S-Allir

Suður spilar 3G.

Vanhugsað úrspil er ein af höfuðsyndum Moose. Sambærileg dáð á hinum kantinum ætti þá að vera djúphugsað úrspil. Áhorfendur á Bridgebase fengu sýnishorn af hvoru tveggja í þessu spili úr pólska meistaramótinu.

Sagnir voru samhljóða í báðum sölum: Standard-lauf í suður, svar á 1♠, 2G hjá opnara (18-19) og hækkun í þrjú. Útspil: tígultía – gosi og drottning. Ertu syndaselur eða dáðadrengur?

Á öðru borðinu dúkkaði sagnhafi ♦D, fékk næsta slag á ♦Á, spilaði þá hjarta á kóng og hjarta í bláinn. Hugmyndin virðist hafa verið sú að treysta á 3-3 legu í hjarta og ♣D rétta. Hið síðarnefnda gekk eftir, en þrettánda laufið í borði brann inni vegna innkomuleysis. Einn niður.

Hinn sagnhafinn spilaði mun betur: Drap strax á ♦Á, spilaði SPAÐA á ásinn og svínaði í laufi. Þar með voru níu slagir mættir í legunni, en jafnvel með ♣D í vestur var enn von í jafnri hjartalegu.