Hinn franski Delage D8 tekur sig vel út á Concorde-torginu.
Hinn franski Delage D8 tekur sig vel út á Concorde-torginu.
Þessi Mercedes-Benz frá árinu 1933 sem rúllar hér um Vendome-torgið er mikil og fágæt gersemi.
Þessir fallegu svörtu Citroën bílar eru sígildir eðalvagnar.
Breskur bíll af gerðinni Austin Healey spókar sig um á götum Parísar.
Franskur fornbíll af gerðinni Zebre frá árinu 1910, hvorki meira né minna, vakti mikla lukku enda sjaldséður.
[ Smellið til að sjá stærri mynd ]
Mörgum bílaáhugamanninum hlýnaði hressilega um hjartaræturnar nú um nýliðna helgi þegar hópaksturinn „Traversée de Paris en anciennes“ átti sér stað í fjórtánda sinn.
Mörgum bílaáhugamanninum hlýnaði hressilega um hjartaræturnar nú um nýliðna helgi þegar hópaksturinn „Traversée de Paris en anciennes“ átti sér stað í fjórtánda sinn. Eins og frönskumælandi lesendur átta sig á er hér um að ræða akstur gegnum höfuðborg Frakklands á fornbílum. Ekki var skortur á glæsilegum og goðsagnakenndum sjálfrennireiðum frekar en fyrri daginn enda má á þessum degi jafnan sjá dýrgripi sem vart er hleypt út undir bert loft hina 364 daga ársins. Eins og gefur að skilja nýta margir tækifærið og koma sér fyrir á góðum stað til að sjá hina gömlu glæsivagna renna hjá og urðu þeir ekki sviknir af því, eins og meðfylgjandi myndir sýna.