Málað Starfsmaður við málningarstörf í Slippnum í Reykjavík.
Málað Starfsmaður við málningarstörf í Slippnum í Reykjavík. — Morgunblaðið/Rósa Braga
Samkvæmt Vinnumarkaðsrannsókn Hagstofu Íslands voru í desember 2013 að jafnaði 185.100 manns á vinnumarkaði. Af þeim voru 176.900 starfandi og 8.200 án vinnu og í atvinnuleit.

Samkvæmt Vinnumarkaðsrannsókn Hagstofu Íslands voru í desember 2013 að jafnaði 185.100 manns á vinnumarkaði. Af þeim voru 176.900 starfandi og 8.200 án vinnu og í atvinnuleit. Atvinnuþátttaka mældist 80,9%, hlutfall starfandi 77,3% og atvinnuleysi var 4,4%. Samanburður mælinga í desember 2012 og 2013 sýnir að atvinnuþátttaka jókst um 0,8 prósentustig og hlutfall starfandi um 1,6 prósentustig. Hlutfall atvinnulausra minnkaði á sama tíma um 1,1 prósentustig. Þetta kemur fram í frétt á heimasíðu Hagstofu Íslands í gær.

Atvinnuleysi í nóvember var 4,8%

Þar kemur jafnframt fram að árstíðaleiðréttur fjöldi fólks á vinnumarkaði í desember 2013 var 187.500 sem jafngildir 81,7% atvinnuþátttöku sem er aukning um 900 manns frá nóvember og hlutfallið þá var 81%. Fjöldi atvinnulausra í desember var 8.600 og fækkaði um 400 manns frá því í nóvember 2013. Hlutfall atvinnulausra var 4,6% í desember en var 4,8% í nóvember. Fjöldi starfandi fólks í desember var 178.900 en var 177.700 í nóvember. Samkvæmt árstíðaleiðréttingu minnkaði því atvinnuleysi um 0,2 prósentustig á milli mánaða og hlutfall starfandi jókst um 0,8 prósentustig.