Það var líf og fjör á samkomu UN Women sem stóð fyrir átakinu Milljarður rís í Hörpu á föstudag.
Það var líf og fjör á samkomu UN Women sem stóð fyrir átakinu Milljarður rís í Hörpu á föstudag. — Morgunblaðið/Ómar
Fólk dansaði af mikilli innlifun en með dansinum er vakin athygli á óréttlæti gegn konum alls staðar í heiminum.
Guðrún Agnarsdóttir og Sorella Karme, skiptinemi frá Finnlandi.
Heiða Kristín Helgadóttir, Soffía Sigurgeirsdóttir, framkvæmdastjóri UN Women á Íslandi, og Óttar Proppé voru í stuði í Hörpunni.
Þessar kátu ungu dömur skemmtu sér vel í dansinum.
Krakkarnir létu sig ekki vanta og notuðu hádegishlé sitt til að stíga saman flottan dans.
Þær Lína Móey Bjarnadóttir, Magga Gísladóttir, Ingunn H. Nielsen og Hrafnhildur Björk Baldursdóttir voru hressar og kátar.
Krakkarnir skella í peace-merkið eða friðarmerkið enda gott tilefni til.
Sigríður Ásgeirsdóttir, Þóra Hallgrímsdóttir og Diljá Ámundadóttir.
Hátt í 3.500 manns dansaði hér á landi í hádeginu.
Hulda Stefánsdóttir og Þóra Jónsdóttir frá Barnaheillum.
[ Smellið til að sjá stærri mynd ]
Á föstudag dönsuðu hátt í 3.500 manns hér á landi til að mótmæla hvers kyns ofbeldi gegn konum alls staðar í heiminum.
Við erum í sælu- og gleðivímu eftir þetta,“ segir Soffía Dóra Sigurgeirsdóttir, framkvæmdastýra UN Women á Íslandi, en í hádeginu á föstudag fór fram átakið Milljarður rís þar sem hátt í 3.500 manns mættu saman í Hörpu og dönsuðu fyrir breyttum heimi. Einnig var dansað á Ísafirði, Akureyri og víðar um land. „Þetta er fyrst og fremst vitundarvakning til þess að uppræta ofbeldi gegn konum. Öll vitundarvakning hefur áhrif á samfélagið í heild sinni og það er í raun viss hvatning og stuðningur við þolendur. Það er skilvirkasta leiðin til að ná fram breytingum og hafa áhrif á viðhorf sem skilar sér svo aftur í lagasetningu. Til að mynda hafa átt sér stað framfaraskref á Indlandi í kjölfar hópnauðgunar þar í landi í lok árs 2012.“ Eftir hópnauðgunina áttu sér stað fjöldamótmæli sem varð til þess að róttækar breytingar urðu á allri löggjöf er varðar hvers kyns kynferðisofbeldi. „Konur eiga ekki að þurfa að lifa í ótta við að vera áreittar, barðar eða brenndar fyrir það eitt að vera konur. Milljarður rís-átakið á að vera út frá gleði og jákvæðni að þetta geti gerst, og það er hægt – að breyta heiminum!“