ROPE. S-AV
Norður | |
♠Á83 | |
♥K982 | |
♦K32 | |
♣G85 |
Vestur | Austur |
♠D10762 | ♠954 |
♥G103 | ♥75 |
♦107 | ♦DG86 |
♣D94 | ♣7632 |
Suður | |
♠KG | |
♥ÁD64 | |
♦Á954 | |
♣ÁK10 |
Suður spilar 6♥.
Nýlega birtust í tímaritinu The Bridge World athyglisverðar greinar eftir Stefan Ralescu og Barry Rigal um úrspilstækni sem þeir kalla ROPE (Rise Or Partner is Endplayed). Innkast er í pípunum og makker fórnarlambsins reynir að bjarga málum með því að rjúka upp með háspil. En það er ekki ókeypis.
Vestur spilar út ♥G. Sagnhafi tekur þrisvar tromp (austur hendi laufi), leggur niður ♦K og spilar tígli úr borði að ♦Á95. Hugmyndin er að dúkka slaginn yfir til vesturs í þeirri von að hann neyðist til að hreyfa svartan lit (ef tígullinn brotnar ekki 3-3).
En hvað gerist ef austur fer upp með mannspil í tígli? Sagnhafi drepur (tían fellur), fer inn í borð á ♠Á og spilar tígli að níunni. „Uppreisn“ austurs hefur kostað slag á litinn.