Ekki eftir bókinni. A-Allir Norður &spade;86 &heart;KG72 ⋄KD...

Ekki eftir bókinni. A-Allir

Suður spilar 4♥.

Tromplitur sagnhafa er gamalkunnur: fimm hundar á móti KG fjórða. Ef aðeins má gefa einn slag á litinn er best að spila litlu á gosann í von um Dx eða ÁDx í millihönd. Samkvæmt fræðunum eru samanlagðar líkur á slíkri happalegu um 33%. Ekki mikið, en betra er ekki í boði.

Austur opnar á 1♠ og sú sögn gengur til norðurs, sem doblar til úttektar. Suður stekkur í 3♥ og norður lyftir í fjögur. Útspilið er ♠D og austur yfirtekur með kóng. Sagnhafi drepur, spilar trompi að blindum og vestur fylgir með níu. Á nú að setja gosann?

Nei, lítið hjarta! Fræðin eiga ekki við í þessu tilfelli. Ef vestur er með ♥Dx getur austur uppfært trompslag með því að spila spaða tvisvar og látið vestur stinga með millispili. Eina von sagnhafa er því ás BLANKUR í austur.