Stýrivextir Seðlabankans munu haldast óbreyttir út árið, gangi spá Greiningar Íslandsbanka eftir. Spáir bankinn því að peningastefnunefnd muni hækka stýrivexti bankans snemma á næsta ári og hækka þá í þrígang yfir árið um samtals 0,75 prósentur. Verða stýrivextir bankans þá komnir upp í 6,75% í árslok 2015.
Byggir spáin á því að mikill hagvöxtur á næstu misserum muni leiða til framleiðsluspennu og aukinnar verðbólgu þegar kemur fram á næsta ár. Greining Íslandsbanka gerir því samkvæmt þessu ráð fyrir óbreyttum stýrivöxtum á næsta vaxtaákvörðunarfundi peningastefnunefndar 11. júní.