7. júní 1936 Hnefaleikameistaramót Íslands fór fram í fyrsta sinn. Þrír meistarar voru úr KR og tveir úr Ármanni. Íþróttin var bönnuð 1956 en áhugamannahnefaleikar leyfðir 2002. 7.
7. júní 1936
Hnefaleikameistaramót Íslands fór fram í fyrsta sinn. Þrír meistarar voru úr KR og tveir úr Ármanni. Íþróttin var bönnuð 1956 en áhugamannahnefaleikar leyfðir 2002.
7. júní 1951
Afhjúpað var minnismerki í Fossvogskirkjugarði í Reykjavík um 212 breska hermenn sem féllu hér í síðari heimsstyrjöldinni.
7. júní 1998
Stór skriða féll úr austanverðum Lómagnúpi og yfir vegarslóða. Aflið var svo mikið að atburðurinn kom fram á jarðskjálftamælum í 150 kílómetra fjarlægð.
7. júní 2008
Vatnajökulsþjóðgarður var formlega opnaður. Hann er stærsti þjóðgarður Evrópu og nær yfir áttunda hluta landsins. Í samtali við Morgunblaðið sagði Þórunn Sveinbjarnardóttir umhverfisráðherra að garðurinn væri einstakur á heimsvísu.
7. júní 2008
Keppt var í fyrsta sinn í 100 kílómetra hlaupi hér á landi. Þátttakendur voru sextán. Sá sem kom fyrstur í mark, Neil Kapoor, hljóp á tæpum átta klukkustundum.Dagar Íslands | Jónas Ragnarsson