Lögmæti einstakra samninga sem tryggingamiðlarar hafa gert fyrir hönd erlendra tryggingarfélaga mun skýrast á morgun þegar gjaldeyriseftirlit Seðlabanka Íslands sendir miðlurunum bréf með skýringum þar að lútandi. Andrés Magnússon, framkvæmdastjóri SVÞ, staðfesti þetta í samtali við mbl.is eftir fund með starfsmönnum Seðlabankans í gær.
Reglum um gjaldeyrismál var breytt hinn 19. júní sl. til að stöðva söfnun óheimilis sparnaðar erlendis á vegum tryggingarfélaga. Síðan hefur ríkt óvissa um áhrif breytinganna á lögmæti einstakra samninga tryggingamiðlara, þar með taldar líf- og sjúkdómatryggingar sem eru tengdar sparnaði.
Tugþúsundir Íslendinga eru með samninga við tryggingamiðlara. Andrés segir brýnt að valda ekki frekari óróa á markaðnum.
Til baka
Leita í greinasafni
Prenta grein
